AÐVENTUTÓNLEIKAR Kvennakórs Garðabæjar voru haldnir í Digraneskirkju mánudaginn 5. desember sl. fyrir fullu húsi. Efnisskrá tónleikanna var sungin án hlés og öllum tónleikagestum boðið að þiggja kaffi og smákökur í safnaðarsal kirkjunnar að tónleikum loknum. Eins og áður sagði var húsfyllir á tónleikum og þakkar kórinn það sínum tryggu áheyrendum úr Garðabæ sem sækja aðventu- og vortónleika kórsins ár hvert.
Efnisskrá tónleikanna var hátíðleg að vanda, með þekktum íslenskum og erlendum jólalögum. Á tónleikunum frumflutti kórinn tvær nýjar útsetningar sem voru gerðar sérstaklega fyrir kórinn. Sú skemmtilega nýbreytni á tónleikum var ánægjulegt samstarf við Tónlistarskóla Garðabæjar. Tvær ungar stúlkur í þverflautunámi spiluðu með kórnum í nokkrum lögum og heilluðu tónleikagesti með frábærri frammistöðu sinni.
Kvennakór Garðabæjar er í stöðugri endurnýjun því margar af eldri kórkonum kvöddu kórinn á síðasta starfsári. Kórinn mun bjóða upp á einkar spennandi og metnaðarfulla söngdagskrá á vorönn þar sem helst ber að nefna Þorravöku, vortónleikum og Sumarvöku.
Kvennakór Garðabæjar óskar öllum Garðbæingum og velunnurum sínum góðrar aðventu og gleðilegrar jólahátíðar.
| 
Þriðjudagskvöldið 
Landsmót íslenskra kvennakóra er haldið á þriggja ára fresti á vegum Gígjunnar sem eru landssamtök kvennakóra. Mótið er nú haldið í áttunda sinn og mun Jórukórinn á Selfossi sjá um framkvæmdina í þetta sinn. Mótið fer fram hér á Selfossi dagana 29.apríl – 1.maí 2011 og lítur mjög vel út með þátttöku. Hátt í 600 konur víðs vegar að af landinu hafa staðfest þátttöku. 
Eftir strangar og gefandi æfingar í allt haust var komið að því að syngja öll fallegu jólalögin inn á geisladisk. Upptökurnar fóru fram í Digraneskirkju helgina 16. til 17. október undir styrkri og gefandi stjórn Ingibjargar Guðjónsdóttur. Hljómur kirkjunnar er einstaklega hátíðlegur og hæfir efnisskrá kórsins einkar vel.